سری لنکا کیخلاف ٹیسٹ سیریز کیلئے قومی ٹیم کا اعلان آج ہوگا Sports Cricket PCB PAKvsSL
رپورٹس کے مطابق پاکستان اور سری لنکا کے درمیان انٹرنیشنل کرکٹ کونسل ٹیسٹ چیمپئن شپ کے دو ٹیسٹ میچز آئندہ ماہ جولائی کے تیسرے ہفتے سے کھیلے جائیں گے۔
ذرائع کے مطابق بابر اعظم کی کپتانی میں دو وکٹ کیپر محمد رضوان اور سرفراز احمد ٹیم میں شامل ہوں گے، ٹیم میں نئے چہرے بھی شامل کیے جائیں گے، نئے کھلاڑیوں میں محمد ہریرہ اور عامر جمال فیورٹ پلیئرز کی فہرست میں موجود ہیں۔ ذرائع نے بتایا کہ اوپنرز میں امام الحق، شان مسعود اور عبداللہ شفیق ، مڈل آرڈر میں سلمان آغا اور سعود شکیل لیے جائیں گے، زاہد محمود اور وسیم جونیئر کی سلیکشن مشکل دکھائی دیتی ہے ۔
ذرائع کا مزید کہنا تھا کہ محمد نوازاور ابراراحمد سکواڈ کا حصہ ہوں گے جبکہ فاسٹ باؤلرز میں سلیکشن کمیٹی شاہین شاہ آفریدی ، حسن علی اور نسیم شاہ کو ترجیح دے گی۔