لاہور کے تاریخی عجائب گھر کو یونیسکو کے ماسٹر پلان کے تحت 8 ملین ڈالر کی لاگت سے بحالی کے لیے منظور کرلیا گیا ہے۔ اس منصوبے میں عجائب گھر کو 1929 کی شکل میں بحال کیا جائے گا، ڈیجیٹلائزیشن کی سٹڈی مکمل ہوچکی ہے اور پانچ سالہ بحالی منصوبے کے تحت عجائب گھر کو قومی اور مقامی ثقافتی ورثے سے ہم آہنگ کیا جائے گا۔
لاہور کے تاریخ ی عجائب گھر کی اپ گریڈیشن کا فیصلہ کرلیا گیا جب کہ منصوبے پر 8 ملین ڈالر لاگت آئے گی۔ رپورٹ کے مطابق یونیسکوماسٹرپلان کے تحت عجائب گھر کو 1929 کی شکل میں بحال کیا جائیگا ، ڈیجیٹلائزیشن کی اسٹڈی مکمل کرلی گئی،پانچ سالہ بحالی منصوبے کے تحت عجائب گھر کو قومی اور مقامی ثقافتی ورثے سے ہم آہنگ کیا جائے گا۔ مال روڈ لاہور پر واقع لاہور عجائب گھر 1894 میں تعمیر کیا گیا تھا۔ لاہور عجائب گھر کا شمار جنوبی ایشیا کے چند بڑے عجائب گھروں میں ہوتا ہے، اس میوزیم میں گندھارا، مغل ، سکھ اور برطانوی
دور کے 60 ہزار کے قریب نوادرات ہیں، جس میں نادر ونایاب مجسمے ، مختلف ادوار کے سکے، لکڑی کا کام، مصوری فن پارے اور مغل، سکھ اور برطانوی دور حکومت سے تعلق رکھنے والے نوادرات شامل ہیں۔ وزیراعلی پنجاب مریم نواز شریف نے لاہورعجائب گھر کی اپ گریڈیشن اور اس منصوبے کو صوبائی کابینہ سے منظور کروانے کی ہدایت کی ہے۔ پنجاب کی سینیئر وزیر مریم اورنگزیب نے بتایا لاہور عجائب گھر کو یونیسکو کے ماسٹر پلان کے تحت اپ گریڈ کیا جائیگا، یہ میوزیم ہماری تاریخ، ثقافت اور قومی ورثے کی پہچان ہے۔ اس کی بحالی جدید تقاضوں کے مطابق کی جائے گی، اسے مقامی اور بین الاقوامی سیاحوں کے لیے بھی ایک مرکز بنائیں گے۔ یہ منصوبہ ثقافتی ترقی اور معیشت کے استحکام کے لیے ایک اہم سنگ میل ثابت ہوگا۔ لاہور عجائب گھراپ گریڈیشن منصوبے پر 8 ملین امریکی ڈالرلاگت آئیگی۔جدید بحالی منصوبہ میں عجائب گھر کی چھت واٹر پروف، ڈیمپنس اور ڈرینج کی صلاحیت بڑھائی جائیگی، اندرونی ماحول، لائٹنگ، الیکٹریکل سسٹم، فائر سیفٹی اور سیکیورٹی کو جدید معیار کے مطابق ڈھالا جائے گا۔ اسی طرح جدید میوزیگرافی، ڈیزائن، وزیٹر سروسز اور نئی گیلریوں کی تعمیر بھی کی جائیگی، ہر فن پارے کو اس کی تاریخی اور ثقافتی اہمیت کے مطابق شوکیس کیا جائے گا۔ لاہورعجائب گھر حکام کے مطابق میوزیم کی بحالی کے لیے شارٹ اور لانگ ٹرم منصوبہ بندی کی گئی ہے،عجائب گھر کی عمارت کو اس کی اصل شکل میں بحال کیا جائیگا، بحالی کے دوران لاہور عجائب گھر کو سیاحوں کے لئے بند اور یہاں موجود 60 ہزار تاریخی نوادرات کو عارضی طور پر دوسری جگہ منتقل کیا جائیگا۔ ذرائع کا کہنا ہے لاہورعجائب گھر اپ گریڈیشن منصوبے کے لئے آغاخان کلچرل سروس پاکستان اوربین الاقوامی ماہرین سے تکنیکی معاونت لی جائیگی، آغاخان کلچرل سروس ، پاکستان میں پہلے ہی متعدد تاریخی مقامات کی بحالی میں معاونت کررہی ہے۔ پنجاب آرکیالوجی کے سابق ڈائریکٹر افضل خان نے کہتے ہیں عجائب گھرکی اپ گریڈیشن بہت ضروری تھی، کیونکہ اب جدید مہارتیں اور ڈیوائسز آگئی ہیں، جدید لائٹنگ سسٹم ہے اس کا امپیکٹ ہوتا ہے۔ ڈسپلےسسٹم بہترہوگا اور سیاحوں کو ہرایک اوبجیکٹ سے متعلق معلومات ملیں گی تو یقینا ان کی دلچسپی بڑھے گی جس سے سیاحت کو فروغ ملے گا۔ انہوں نے کہا اگر ماسٹرپلان میں دی گئیں گائیڈلائنز کےمطابق کام کیا جاتا ہے تویقینا یہ ایک بہت بڑی اچیومنٹ ہوگی ،اس سے ہماری آنیوالی نسلوں کو فائدہ ہوگا
HISTORY LAHORE MUSEUM UPGRADE UNESCO MASTERPLAN CULTURAL HERITAGE
پاکستان تازہ ترین خبریں, پاکستان عنوانات
Similar News:آپ اس سے ملتی جلتی خبریں بھی پڑھ سکتے ہیں جو ہم نے دوسرے خبروں کے ذرائع سے جمع کی ہیں۔
پاکستان نے IT Export میں نیا ریکارڈ قائم کیااکتوبر 2023 سے جاری 15 مہینوں کی مسلسل IT Export میں اضافہ دسمبر 2024 میں 348 ملین ڈالر تک پہنچا ہے، جو تاریخ میں سب سے زیادہ ہے۔
مزید پڑھ »
'چیمپئینز ٹرافی؛ اسٹیڈیم کا تعمیراتی کام 100 مکمل! فنشنگ کی جارہی ہے'پروجیکٹ منیجر نے اسٹیڈیمز کی اَپ گریڈیشن پر میڈیا کو آگاہ کردیا
مزید پڑھ »
یو ایس کے وبا سے خطرات: زیمبیا کے مالی وزیر کا اظہارزیمبیا کے مالی وزیر نے امریکہ کی عالمی صحت تنظیم سے نکالنے کا اعلان کرتے ہوئے اس بات کا اظہار کیا ہے کہ یہ ایسے ملکوں کو نقصان پہنچائے گا جو HIV/AIDS سے زیادہ متاثر ہیں۔ زیمبیا کو امریکی صدر کی مخصوص امداد پروگرام (PEPFAR) سے سالانہ 200 ملین ڈالر سے زیادہ کی امداد ملتی ہے اور 2006ء سے امریکہ نے زیمبیا کو صحت کے نظام کو مضبوط بنانے اور HIV/AIDS سے متاثرہ افراد کی مدد کے لیے 1.7 بلین ڈالر سے بھی زیادہ دیے ہیں۔
مزید پڑھ »
246 ملین ڈالرز کی لاگت سے تیار گوادر انٹرنیشنل ایئرپورٹ؛ سی پیک کا فلیگ شپ منصوبہائیرپورٹ کا رن وے بوئنگ 747 اور ائیربس اے 380 کو سہولت فراہم کرنے کے قابل ہے
مزید پڑھ »
مندی مور اور دیگر ستاروں کو لاہور کی آگ میں گھر سے بھاگنا پڑاہالی وڈ کی معروف اداکارہ منڈی مور اور دیگر ستاروں کو لاہور کی آگ سے گھر سے بھاگنا پڑا ہے۔ منڈی مور اور ان کے خاندان اب ہمیشہ کے دوستHilary Duff اور ان کے شوہرMatthew Koma کے ساتھ رہ رہے ہیں۔
مزید پڑھ »
مالی سال 2025 کے پہلے نصف میں غیر ملکی سرمایہ کاری کتنے فیصد بڑھ گئی؟چین مالی سال 2025 کے پہلے نصف میں 535.5 ملین ڈالر کی سرمایہ کاری کے ساتھ سب سے بڑا شراکت دار رہا
مزید پڑھ »