PMImranKhan PMIKinSaudia
وزیراعظم عمران خان کے دورہ سعودی عرب کا اعلامیہ جاری کردیا گیا۔ وزیراعظم عمران خان اور سعودی ولی عہد محمد بن سلمان کی ملاقات جدہ میں ہوئی۔ ملاقات میں تمام شعبوں میں پاک سعودی تعلقات کو مزید مضبوط کرنے کے عزم کا اعادہ کیا گیا۔
وزیراعظم عمران خان اور سعودی ولی عہد شہزادہ محمد بن سلمان کی ون آن ون اور وفود کی سطح پر ملاقاتیں ہوئیں۔ جس میں دوطرفہ،علاقائی اور بین الاقوامی امور پر تفصیلی بات چیت کی گئی۔ دونوں رہنماؤں نے دو طرفہ تعلقات کی مزید مضبوطی پراتفاق کیا اور تمام شعبوں میں پاک سعودی تعلقات کو مزید مضبوط کرنے کے عزم کا اعادہ کیا۔
اعلامیے کے مطابق وزیراعظم نے سعودی عرب میں پاکستانیوں کیلئےملازمت کے مواقع بڑھانے پر زور دیتے ہوئے گرین سعودی عرب اورگرین مشرق وسطی کے اقدامات کو سراہا جبکہ ولی عہد کے ویژن اور دس بلین ٹری سونامی پروگرام کو آگے بڑھانے پر اتفاق کیا گیا۔