کمر کی تکلیف سے بچاؤ کے آسان طریقے ARYNewsUrdu
گڑھوں کی وجہ سے لگنے والے جھٹکے موٹرسائیکل سوار کی ریڑھ کی ہڈی کو شدید متاثر کرتے ہیں جس کے سبب کمر کے مہروں کی بے ترتیبی جیسے مسائل پیدا ہونے کا قوی خدشہ ہوتا ہے۔
اس حوالے سے اے آر وائی نیوز کے پروگرام باخبر سویرا میں فٹنس ٹرینر حارث نے چند ایسی ورزشیں بتائیں کہ جس پر عمل کرنے سے کمر کے درد سے نجات حاصل کی جاسکتی ہے۔ حارث نے بتایا کہ پہلے 50 سال سے زائد عمر کے افراد کو کمر کی تکلیف کے مسائل ہوتے تھے لیکن اب 30 سال کے بعد ہی نوجوانوں کو کمر میں تکلیف کی شکایات عام ہیں۔
اس کی اہم وجہ شہر کا انفرااسٹرکچر ہے جس کی حالت انتہائی دگرگوں ہے نہ صرف سڑکیں بلکہ اہم شاہراہیں بھی ٹوٹ پھوٹ کا شکار ہیں جس کے سبب خصوصاً نوجوان موٹر سائیکل سواروں کو مختلف پیچیدگیوں کا سامنا ہے۔ اس موقع پر انہوں نے ناظرین کو کچھ خاص ورزشیں کرکے دکھائیں جن کو کرکے کمر کی تکلیف سے چھٹکارا حاصل کیا جا سکتا ہے۔