ابھیشیک شرما نے انگلینڈ کے خلاف ایک شاندار اننگز کھیلی اور انڈیا کو ٹی ٹوئنٹی میچ میں فتح دلانے میں اہم کردار ادا کیا۔ انھوں نے 54 گیندوں میں 135 رنز بنائے جس میں 13 چھکے بھی شامل ہیں، جس نے انھیں ٹی ٹوئنٹی میں انڈیا کی جانب سے ایک ریکارڈ بنایا۔ انھوں نے 37 گیندوں پر سنچری بنائی، جو انڈین ٹی ٹوئنٹی کرکٹ میں سب سے تیز سنچری ہے۔
ناظرین میں جب انڈیا کے امیر ترین شخص مکیش امبانی، انڈیا کے سپر سٹار امیتابھ بچن اور ان کے بیٹے ابھیشیک بچن ہوں، اس کے ساتھ بالی وڈ کے سٹار ’مسٹر پرفیکشنسٹ‘ عامر خان اور برطانیہ کے سابق وزیر اعظم رشی سوناک ہوں اور پھر آپ کے بیٹ کا جادو چل رہا ہو تو سمجھیں کہ یہ کوئی خواب ہے۔ لیکن گذشتہ رات یہ خواب نہیں حقیقت تھی جب انڈیا کے نوجوان اوپنر ابھیشیک شرما نے انگلینڈ کی ٹیم کو ان کی ہی زبان ’بیز بال‘ میں جواب دیا۔ ابھیشیک شرما نے پانچویں ٹی ٹوئنٹی میں انڈیا کی شاندار فتح میں 135 رنز بنا کر انگلینڈ کی
باؤلنگ کو بے دردی سے تباہ کیا اور یہ کھلاڑی سے لیجنڈ بننے کا ان کا سفر نظر آتا ہے۔ ماہرین کرکٹ کا کہنا ہے کہ یہ اس قسم کا حملہ تھا جو ان کے سرپرست اور سابق کرکٹر یوراج سنگھ کبھی کیا کرتے تھے۔ کوئی انگلینڈ کے فاسٹ بولر سٹورٹ براڈ اس کی بابت پوچھ سکتا ہے۔ ابھیشیک نے میچ کے بعد کہا: ’میں ہمیشہ سے چاہتا تھا کہ میں 15 یا 20 اوورز تک بیٹنگ کروں۔ 54 گیندوں کی اننگز میں انھوں 13 چھکے لگائے جو کہ ٹی ٹوئنٹی میں انڈیا کی جانب سے ایک ریکارڈ ہے۔‘ابھیشیک شرما نے 37 گیندوں پر سنچری بنائی جو کو روہت شرما اور ڈیوڈ ملر کے بعد سب سے تیز ٹی 20 سنچری ہے ابھیشیک ابھی اپنا بیٹ اٹھائے ممبئی کے وانکھیڈے سٹیڈیم میں میدان سے باہر نکل رہے تھے اور ناظرین ان کی تحسین میں نعرہ لگا رہے تھے کہ یوراج نے اپنا فیصلہ سنایا۔ ابھیشیک بائیں ہاتھ کے بلے باز یوراج کے ساتھ اس وقت سے ہیں جب یوراج اپنے کریئر کے اختتام پر تھے جبکہ ابھیشیک شروع کر رہے تھے۔ یہ رشتہ وقت کے ساتھ مضبوط ہوتا گیا اور یوراج ایک طرح سے ابھیشیک کے مینٹور بن گئے۔ سوشل میڈیا پر ابھیشیک کے ساتھ ساتھ یوراج بھی ٹرینڈ کر رہے ہیں اور لوگ دونوں کی تعریف میں رطب اللسان نظر آتے ہیں۔ ٹیسٹ میچ کے خصوصی کمنٹیٹر پرکاش واکانکر نے بی بی سی سپورٹس کو بتایا: ’ان کی لمبی بیک لفٹ اور بلے کا بہاؤ یوراج سنگھ کی بہت یاد دلاتا ہے۔‘پچھلے سال ابھیشیک کی 24 ویں سالگرہ پر یوراج نے انسٹاگرام پر نیٹ پریکٹس کا ایک ویڈیو پوسٹ کیا۔ یوراج کو دیکھتے ہوئے، ابھیشیک نے سٹریٹ چھکا لگایا۔ یہ وہ شاٹ تھا جو رات وانکھیڑے میں انھوں نے انگلینڈ کے خلاف بار بار کھیلا اور برائیڈن کارس اس کا خصوصی نشانہ نظر آتے۔ اعدادوشمار میں ابھیشیک کا دن ابھیشیک نے 2023 میں نیوزی لینڈ کے خلاف شبمن گل کے 126 کے ریکارڈ کو توڑ کر ٹی 20 انٹرنیشنل میں انڈیا کا سب سے بڑا سکور بنایا۔ ان کی نصف سنچری 17 گیندوں پر بنائی گئی، جو 2007 میں انگلینڈ کے خلاف یوراج کی 12 گیندوں پر نصف سنچری کے بعد کسی بھی انڈین بلے باز کے لیے دوسری تیز ترین نصف سنچری تھی۔ انھوں نے 37 گیندوں پر سنچری بنائی جو کہ ٹیسٹ کھیلنے والے ممالک کے درمیان میچ میں تیسری تیز ترین سنچری ہے۔ اس فارمیٹ میں روہت شرما اور ڈیوڈ ملر نے 35 گیندوں پر سنچریاں بنائی ہیں۔ ‘مہینے میں ایک بار اپنے سنگتروں کا معائنہ کریں‘: بریسٹ کینسر سے متعلق یوراج سنگھ کی تنظیم کا اشتہار متنازع کیسے بنابی بی سی اردو کی خبروں اور فیچرز کو اپنے فون پر حاصل کریں اور سب سے پہلے جانیں پاکستان اور دنیا بھر سے ان کہانیوں کے بارے میں جو آپ کے لیے معنی رکھتی ہیں ابھیشیک، تین بہن بھائیوں میں سب سے چھوٹے ہیں۔ وہ امرتسر میں پیدا ہوئے اور اس وقت انھیں انڈیا کے بہترین بیٹسمین میں شمار کیا جاتا ہے۔ واکانکر نے کہا: 'ابھیشیک نے انڈر 16 میں بڑے پیمانے پر رنز بنائے لیکن واقعی تبدیلی اس وقت شروع ہوئی جب وہ انڈین پریمیئر لیگ میں سن رائزرز حیدرآباد گئے، ابتدائی طور پر دہلی ڈیئر ڈیولز کے لیے کھیلے لیکن وہاں زیادہ کچھ نہیں کر سکے۔وہ آسٹریلیا کے بیٹسمین ٹریوس ہیڈ کے ساتھ اوپننگ کرنے آئے اور اس جوڑی نے سن رائزرز کو دو بار مقابلے کے سب سے زیادہ سکور کا ریکارڈ توڑنے میں مدد کی۔ ابھیشیک پر سن رائزرز کے بیٹنگ کوچ برائن لارا نے بھی کام کیا۔ انھوں نے 16 میچوں میں 204.21 کے تباہ کن اسٹرائیک ریٹ سے سکور کیا۔ انھوں نے سیزن میں 29 گیندوں سے زیادہ کی اننگز نہ کھیلنے کے باوجود 484 رنز بنائے۔ انگلینڈ کے خلاف انھوں نے تباہ کن لیکن خوبصورت پاور ہٹنگ کا مظاہرہ کیا۔ واکانکر نے کہا: 'یہ بہت خوش آئند تبدیلی ہے۔ یووی کی طرح کے فل فیس بیٹنگ کے بہاو کو زیادہ سے زیادہ دیکھنا قابل قدر ہے۔' ابھیشیک نے انگلینڈ کی انتہائی تیز پیس اور سپن کے خلاف اپنے تمام 13 چھکے بیک ورڈ پوائنٹ اور لانگ آن کے درمیان لگائے۔ انگلینڈ کو پہلے
ابھیشیک شرما انگلینڈ ٹی ٹوئنٹی سنچری ریکارڈ یوراج سنگھ بلیٹنگ
پاکستان تازہ ترین خبریں, پاکستان عنوانات
Similar News:آپ اس سے ملتی جلتی خبریں بھی پڑھ سکتے ہیں جو ہم نے دوسرے خبروں کے ذرائع سے جمع کی ہیں۔
انگلینڈ کو بھارت کے خلاف ٹی ٹوئنٹی سیریز میں 150 رنز سے شکستاس میچ میں نوجوان اوپنر ابھیشیک شرما جیت کے ستارے ثابت ہوئے جنہوں نے 135 رنز کی تباہ کن اننگز کھیلی
مزید پڑھ »
جنوبی افریقہ نے پاکستان کے خلاف ٹیسٹ میچ میں برتری حاصل کیجنوبی افریقہ نے پاکستان کے خلاف دوسرے ٹیسٹ میچ میں دوسرے دن 557 رنز بنا کر پاکستان کو 551 رنز پیچھے چھوڑ دیا ہے۔
مزید پڑھ »
رائن ریکلٹن کی 213 رنز کی انوکھیا: جنوبی افریقہ نے پاکستان کو پیچھے چھوڑ دیاجنوبی افریقہ کے کھلاڑی رائن ریکلٹن نے کیپ ٹاؤن میں پاکستان کے خلاف ٹیسٹ میچ میں 213 رنز بنا کر ٹیم کو 429 رنز پر پہنچایا۔
مزید پڑھ »
پاکستان نے جنوبی افریقہ میں انہدام ریکارڈ قائم کر لیاجنوبی افریقا کے خلاف دوسرے ٹیسٹ میچ میں 10 وکٹوں کی شکست کے باوجود پاکستانی ٹیم نے 400 سے زائد رنز بنا کر ایک منفرد ریکارڈ قائم کر لیا۔
مزید پڑھ »
ابھیشیک شرما نے ٹی20 میں چھکاؤ کے ریکارڈ توڑےبھارتی بلے باز ابھیشیک شرما نے انگلینڈ کے خلاف ٹی20 میچ میں 13 چھکے لگا کر ٹی20 میں سب سے زیادہ چھکے لگانے کا ریکارڈ اپنے نام کر لیا۔ انہوں نے 135 رنز کی اننگز کھیل کر بھارت کی جانب سے سب سے زیادہ اسکور کرنے کا اعزاز بھی اپنے نام کر لیا۔
مزید پڑھ »
مارٹن گپٹل نے بین الاقوامی کرکٹ سے ریٹائرمنٹ کا اعلان کیانیوزی لینڈ کے ٹی20 میں سب سے زیادہ رنز بنانے والے مارتن گپٹل نے 38 سال کی عمر میں بین الاقوامی کرکٹ سے ریٹائرمنٹ کا اعلان کر دیا۔
مزید پڑھ »