وزیراعلی پنجاب نے 28فروری تک 10ہزار ٹریکٹرز، مارچ تک مزید 2 ہزار سپر سیڈرز رعایتی قیمت پر کسانوں دینے کی ہدایت کردی۔
مریم نواز کا مفت سولر پینل اسکیم میں مزید تیزی، وسعت کے لیے 6 ارب کے اضافی فنڈ دینے کا فیصلہ۔ وزیراعلی پنجاب نے 28فروری تک 10ہزار ٹریکٹرز، مارچ تک مزید 2 ہزار سپر سیڈرز رعایتی قیمت پر کسانوں دینے کی ہدایت کردی۔ وزیراعلی مریم نوازشریف نے پنجاب میں زراعت، شمسی توانائی اور صنعتی انقلاب کے لئے بڑے فیصلے کرتے ہوئے 28فروری تک 10ہزار ٹریکٹرز، مارچ تک مزید 2 ہزار سپرسیڈرز رعایتی قیمت پر کسانوں کو دینے کی ہدایت کردی جب کہ شہریوں کو مفت شمسی توانائی دینے کی اسکیم میں مزید تیزی اور وسعت لانے کا فیصلہ کیا
گیا۔ سینئیر صوبائی وزیر مریم اورنگزیب کی زیرصدارت زراعت، توانائی، صنعت کی وزارتوں اور ذیلی محکموں کی کارکردگی کا جائزہ اجلاس ہوا، سالانہ ترقیاتی پروگرام (اے ڈی پی) کے تحت 6 ماہ کے دوران وزارتوں اور محکموں کی کارکردگی کے جائزے کے سلسلے میں یہ چھٹا اجلاس تھا۔ اجلاس میں ترقی اور منصوبہ بندی کے چئیرمین نبیل احمد اعوان،آصف طفیل اور دیگر محکموں کے سیکرٹریز نے شرکت کی، تمام وزارتوں اور محکموں نے چھ ماہ کے دوران وزیراعلی کے شروع کردہ منصوبوں پر پیش رفت سے آگاہ کیا۔ رپوٹ کے مطابق وزیراعلی نے پنجاب کے شہریوں کو مفت شمسی توانائی دینے کی سکیم میں مزید تیزی اور وسعت لانے کا فیصلہ کیا، س کے علاوہ سرکاری عمارتوں کی شمسی توانائی پر منتقلی اور قابل تجدید توانائی کے منصوبے کو جون تک مکمل کرنے کا بھی فیصلہ کیا گیا۔ اجلاس میں مالٹے، کنوں جیسے سڑس پھلوں کی بحالی اور ترقی کا بڑا پروگرام شروع کرنے، پنجاب میں مثالی زرعی مال قائم کرنے کا فیصلہ کیا گیا، اس سلسلے میں کسانوں کو برپیداوار بڑھانے، برآمدات میں اضافے کی سہولیات دی جائیں گی، رپورٹ کے مطابق شمسی توانائی کے فروغ کے لئے چھ ارب کے اضافی فنڈ دینے کا بھی فیصلہ کیا گیا، حکومت نے کوڑے کرکٹ سے بجلی بنانے کے فنڈ کے قیام کا عمل مارچ تک مکمل کرنے کی ہدایت کی گئی۔ اجلاس میں پنجاب اسمبلی، انسٹیٹیوٹ آف کارڈیالوجی سمیت دیگر محکموں اور وزارتوں کو شمسی توانائی پر منتقل کرنے کے پروگرام کا جائزہ لیا گیا۔ 5 ہزار سے زائد کسان وزیراعلی کسان کارڈلے چکے ہیں، خریف کی فصل کے لیے تیاری بھی مکمل کرلی گئی، زراعت کی ترقی اور تمام پہلوﺅں میں جدت لانے کے لئے یونیورسٹیوں کے ذریعے تحقیق کرانے کا بھی فیصلہ کیا گیا، رپورٹ کے مطابق نارووال میں 300 ایکڑ کے انڈسٹریل اینڈ ٹیکنالوجی پارک کے قیام، زمین کے حصول اور قصور میں ٹیکنالوجی یونیوسٹی کے قیام کی فزیبلٹی تیار کرنے کی ہدایت کی گئی، بائیو گیس دوگنا بڑھانے اور اس سے کھاد کے کارخانے لگانے کے منصوبے پر مشارت مکمل کرلی گئی۔ زرعی ترقی اور جدید فارمنگ کے طریقے کسانوں کو سکھانے کے لئے ہر ڈویژن میں مانیٹرنگ کا نظام بنانے کا فیصلہ کیا گیا اور زرعی نگرانی کے لئے انسپیکٹر کے دفتر کا قیام اور بھرتیوں کے عمل کو تیز کرنے کی ہدایت کی گئی۔ جدید مشینری اور طریقوں سے زراعت کی ترقی، شمسی توانائی کے فروغ اور فنی مہارتیں سکھانے کا جامع منصوبہ تیار کرلیا گیا۔ اجلاس کے دوران بریفنگ میں بتایا گیا کہ گزشتہ 10 سالوں کے مقابلے میں وزیراعلی مریم نوازشریف نے زرعی شعبے کے لئے سب سے بڑے منصوبے دیے، زراعت کی ترقی کے لئے سکیموں پر عمل درآمد پر اب تک 28 ارب روپے خرچ ہوچکے ہیں، گرین ٹریکٹر اسکیم کے تحت ساڑھے چار ہزار ٹریکٹرز پنجاب کے کسانوں کو دئیے جاچکے ہیں۔ اس میں کہا گیا کہ پہلے مرحلے میں فیصل آباد، گوجرانوالہ، سرگودھا اور لاہور ڈویژنز میں سپرسیڈرز فراہم کیے جاچکے ہیں، وسطی پنجاب میں اجالا پروگرام کے حوالے سے پیش رفت کا بھی جائزہ لیا گیا۔ ریفنگ کے مطابق 1200 بغیر بجلی دیہات میں 404 غریب افراد کو ایک کلو واٹ کے ہائبرڈ سولرسسٹم فراہم کئے جا چکے ہیں، گجرکالونی میں بائیو گیس پلانٹ پر کام جاری ہے، کاربن کریڈٹ کے لیے ماہرین کی بھرتی پر بھی غور کیا گیا، محکمہ زراعت میں 29 اسکیمیں جاری ہیں جب کہ 8 نئی اسکیمیں شروع کی گئیں۔ اس میں بتایا گیا کہ محکمہ توانائی میں 30 اسکیمیں، 24 جاری جبکہ 6 نئی شروع کی گئیں، محکمہ انڈسٹری میں 32 اسکیمیں، 18 جاری، 4 نئی شروع کی گئیں، ٹیکنیکل یونیورسٹیز کے قیام کے بارے میں معاملات زیر غور آئے۔ مریم اورنگزیب نے کہا کہ جدید ٹیکنالوجی کے ذریعے زراعت، توانائی اور صنعت کی ترقی وزیراعلی مریم نوازشریف کا ایجنڈا ہے، پنجاب میں زرعی وصنعتی انقلاب سے خوش حالی لانے کا مریم نوازشریف کا خواب تیزی سے حقیقت بن رہا ہے، کسان کی خوش حالی پنجاب اور پاکستان کی خوش حالی ہے جس کی بنیاد مریم نواز نے رکھ دی ہے
مریم نواز، پنجاب، زراعت، توانائی، فنڈ
پاکستان تازہ ترین خبریں, پاکستان عنوانات
Similar News:آپ اس سے ملتی جلتی خبریں بھی پڑھ سکتے ہیں جو ہم نے دوسرے خبروں کے ذرائع سے جمع کی ہیں۔
مریم نواز کا دورہ، چینی کمپنیاں پنجاب میں اربوں کی سرمایہ کاری پر رضامندمریم نواز کی زیر صدارت انویسٹمنٹ کانفرنس میں سولر انرجی سمیت دیگر کمپنیوں نے سرمایہ کاری فنڈ کے قیام کا اعلان کیا
مزید پڑھ »
SECP نے م्युटوال فنڈ انڈسٹری کے لیے نئی ضروریات لا%',SECP نے م्युटوال فنڈ انڈسٹری کے لیے پابندیشد کی ساخت کو مزید مضبوط بنانے کے لیے 'انویسمنٹ پلینز' کے لیے ضروریات کا اعلان کیا ہے۔
مزید پڑھ »
مریم نواز کا نکاح جوڑا توجہ کا مرکزمریم نواز نے زید حسین نواز کے نکاح میں ایک 16 لاکھ روپے کے سرخ اور سنہرے رنگ کے ڈیزائن کا جوڑا پہنا تھا۔
مزید پڑھ »
پاکستان اور قازقستان کے مابین تجارت میں اضافہ کے لیے ڈسپلے سینٹرز قائمقازقستان اور پاکستان کے مابین تجارت کے فروغ کے لیے اعلیٰ سطحی اجلاس میں مصنوعات و مشینری کے لیے ڈسپلے سینٹرز قائم کرنے کا فیصلہ کیا گیا ہے۔
مزید پڑھ »
مینارٹی کارڈ سے اقلیتی برادری کو گزر بسر میں مددوزیراعلیٰ پنجاب مریم نواز نے اقلیتی برادری کے لیے منیارٹی کارڈ کے اعلان کا اعلان کیا، جس سے ہر تین ماہ بعد مالی معاونت فراہم کی جائے گی۔
مزید پڑھ »
پاکستان اور مصر نے مذہبی ہم آہنگی کو فروغ دینے کا فیصلہ کیاپاکستان اور مصر نے مذہبی عدم برداشت، دہشتگردی اور دنیا میں امن کو فروغ دینے کے لیے مشترکہ طور پر کام کرنے کا فیصلہ کیا ہے۔
مزید پڑھ »