آسٹریلیا میں ایک خاتون نے سوشل میڈیا پر ایک ’پرینک‘ کے لیے کی گئی شادی کے حقیقی ہونے کے بعد شادی ختم کرنے کا فیصلہ کیا۔
سوشل میڈیا انفلوئنسر نے ’پرینک‘ کہہ کر خاتون سے سچ مچ شادی کر لیآسٹریلیا میں ایک خاتون نے اس وقت اپنی شادی ختم کرنے کا فیصلہ کیا جب انھیں پتا چلا کہ سوشل میڈیا پر ایک مذاق کے لیے ان سے کی گئی شادی درحقیقت سچ مچ کی شادی تھی۔ اس بے خبر دلہن کو ان کے سوشل میڈیا انفلوئنسر ساتھی نے یہ کہہ کر شادی کے لیے قائل کیا تھا کہ یہ محض ان کے انسٹاگرام اکاؤنٹ کے لیے ایک ’پرینک‘ ہو گا لیکن بعد میں پتا چلا کہ وہ تو انھیں بے وقوف بنا گئے۔ خاتون کو اس شادی کے حقیقی ہونے کے بارے میں اس وقت پتا چلا جب ان کے ساتھی
نے آسٹریلیا میں مستقل رہائش حاصل کرنے کی کوشش کی۔ یہ کیس ستمبر 2023 میں شروع ہوا جب یہ خاتون اپنے پارٹنر سے ایک ڈیٹنگ پلیٹ فارم پر ملیں۔ انھوں نے میلبورن میں باقاعدگی سے ایک دوسرے سے ملنا شروع کیا جہاں وہ اس وقت رہتے تھے۔ اسی سال دسمبر میں اس شخص نے خاتون کو شادی کی پیشکش کی اور انھوں نے اسے قبول کر لیا۔ دو دن بعد خاتون نے سڈنی میں اس شخص کے ساتھ ایک تقریب میں شرکت کی۔ عدالتی دستاویزات کے مطابق جب وہ وہاں پہنچیں تو وہ یہ دیکھ کر حیران اور غصے میں تھیں کہ ان کے ساتھی، ایک فوٹوگرافر، فوٹوگرافر کے دوست اور ایک شخص کے علاوہ وہاں کوئی اور مہمان موجود نہیں تھا۔ خاتون کے بقول ان کے ساتھی نے انھیں ایک طرف لے جا کر بتایا کہ وہ اپنے سوشل میڈیا کے لیے ایک پرینک شادی کا اہتمام کر رہے ہیں کیونکہ وہ اپنےسوشل میڈیا مواد کو فروغ دینا چاہتے ہیں اور اپنے انسٹاگرام پیج کو مونیٹائز کرنا چاہتے ہیں۔‘ خاتون نے کہا کہ انھوں نے اس شخص کی یہ توجیہہ مان لی کیونکہ ’وہ ایک سوشل میڈیا پرسن‘ تھے اور ان کے انسٹاگرام پر 17000 فالوور تھے۔ پاکستانی خواتین کو رشتہ ایپس پر مردوں کے دھوکے کا سامنا: ’خود کو کنوارہ ظاہر کرنے والے شخص کی اپنی 17 سال کی بیٹی تھی‘ بی بی سی اردو اب واٹس ایپ پر بی بی سی اردو کی خبروں اور فیچرز کو اپنے فون پر حاصل کریں اور سب سے پہلے جانیں پاکستان اور دنیا بھر سے ان کہانیوں کے بارے میں جو آپ کے لیے معنی رکھتی ہیںخاتون کا خیال تھا کہ شادی اس وقت مصدقہ ہوتی ہے جب وہ عدالت میں کی جائے لیکن وہ پھر بھی فکر مند رہیں۔ خاتون نے ایک دوست کو فون کر کے اپنی پریشانی بتائی لیکن دوست نے ان کی بات کو ہنس کر ٹال دیا اور کہا کہ سب ٹھیک ہو گا کیونکہ اگر یہ سچ مچ کی شادی ہوتی تو انھیں پہلے اپنی شادی کے ارادے سے متعلق نوٹس فائل کرنا پڑتا جو انھوں نے نہیں کیا۔ان کا کہنا تھا کہ وہ اس وقت خوش ہو گئیں کہ انھوں نے اس مذاق کو حقیقی دکھانے کے لیے اچھا کردار نبھایا۔ دو ماہ بعد، ان کے ساتھی نے آسٹریلیا میں مستقل رہائش کے لیے اپنی درخواست میں انھیں اپنے زیر ِکفالت شامل کرنے کے لیے کہا۔ یہ دونوں آسٹریلیا میں غیر ملکی ہیں۔ جب خاتون نے اس شخص سے کہا کہ وہ ایسا نہیں کر سکتیں کیونکہ وہ تکنیکی طور پر شادی شدہ نہیں تو اس نے انکشاف کیا کہ سڈنی میں ان کی شادی کی تقریب اصلی تھی۔ بعد ازاں خاتون کو ان کی شادی کا سرٹیفکیٹ ملا اور انھیں شادی کا نوٹس ملا جو ان کے سڈنی کے دورے سے ایک ماہ قبل جمع کروایا گیا تھا، جب اس شخص نے ابھی انھیں شادی کی پیشکش بھی نہیں کی تھی۔ انھوں نے اس نوٹس پر دستخط تک نہیں کیے تھے۔ عدالتی دستاویزات کے مطابق نوٹس پر موجود دستخط خاتون کے دستخط سے میل بھی نہیں کھاتے۔ ان کا کہنا تھا کہ ’مجھے اس بات پر غصہ ہے کہ مجھے نہیں معلوم تھا کہ یہ حقیقی شادی ہے اور حقیقت یہ ہے کہ اس نے شروع سے ہی جھوٹ بولا اور وہ یہ بھی چاہتا تھا کہ میں اسے مستقل سکونت کے لیے اپنی درخواست میں شامل کروں۔‘ اپنے بیان میں اس شخص نے دعویٰ کیا کہ وہ دونوں ان حالات سے متفق تھے اور ان کی تجویز کے بعد خاتون سڈنی میں ایک ’نجی تقریب‘ میں ان سے شادی کرنے پر راضی ہوگئی تھیں۔ جج نے اپنے فیصلے میں کہا کہ خاتون کو ’تقریب کی نوعیت کے بارے میں غلط فہمی ہوئی‘ اور ’شادی کے لیے اصل میں رضامند نہیں تھیں۔‘جج نے اپنے فیصلے میں کہا کہ ’خاتون نے تقریب کے دوران دلہن کی طرح برتاؤ کیا تاکہ ویڈیو میں یہ حقیقی لگے اور یہ شادی قانونی دکھائی دے۔
شادی، ڈھوکہ، سوشل میڈیا، آسٹریلیا، عدالت، پرینک
پاکستان تازہ ترین خبریں, پاکستان عنوانات
Similar News:آپ اس سے ملتی جلتی خبریں بھی پڑھ سکتے ہیں جو ہم نے دوسرے خبروں کے ذرائع سے جمع کی ہیں۔
نوجوان بیٹوں نے ماں کی دوسری شادی کروا دی، تصاویر وائرلسوشل میڈیا پر بیٹوں کی ماں کے نکاح پر لی گئی تصاویر گردش کر رہی ہیں
مزید پڑھ »
سوشل میڈیا سے بلیک میل کرنے والے ملزم کو ایف آئی اے نے گرفتار کر لیاایف آئی اے نے سوشل میڈیا کے ذریعے خاتون کو بلیک میل کرنے والے ملزم کو گرفتار کر لیا ہے اور اس کے خلاف مقدمہ درج کر لیا ہے۔
مزید پڑھ »
فیروز خان کی دوسری اہلیہ سے علیحدگی : بہن حمائمہ ملک نے سچائی سے پردہ اٹھا دیاسوشل میڈیا پر اسکرین شاٹس وائرل ہو رہے تھے جن میں دعویٰ کیا گیا کہ زینب نے فیروز سے علیحدگی اختیار کر لی ہے
مزید پڑھ »
مشہور سوشل میڈیا انفلوئنسر کا پرکشش ہونا ‘جرم’ بن گیا، سہیلیوں نے کڑی سزا سنا دیسوشل میڈیا انفلوئنسر نے اپنی سہیلیوں کے بارے میں حیرت انگیز بات بتادی
مزید پڑھ »
نواز شریف کے پوتے زید حسین کی نکاح کے موقع پر تلاوت کی ویڈیو وائرلتقریب سے مختلف تصاویر اور ویڈیوز سوشل میڈیا پر گردش کر رہی ہیں
مزید پڑھ »
نیلم منیر کے ولیمے کی دلکش تصاویر سوشل میڈیا پر وائرلاداکارہ نے اپنے ولیمے کی تصاویر بھی سوشل میڈیا پر شیئر کر دیں
مزید پڑھ »