سائنسدانوں کا کہنا ہے کہ ہمارے جسم کو دن بھر میں ایک سے زیادہ بار کھانا کی ضرورت ہوتی ہے، لیکن کیا ایک بار کھانا بھی کافی ہے؟
ہم محاورے میں ’دو وقت کی روٹی‘ سنتے آئے ہیں۔ اس ضمن میں دیکھیں تو دن میں تین وقت کھانا بہت نیا خیال ہے۔ بہر حال یہ سوال اپنے آپ میں اہمیت رکھتا ہے کہ دن میں کتنی بار کھانا ہماری صحت کے لیے بہترین ہیں؟ اس بات کا امکان ہے کہ آپ دن میں تین وقت کا کھانا کھاتے ہیں اور غور سے دیکھیں تو پتا چلتا ہے کہ جدید زندگی کھانے کے اسی طریقے کے اردگرد گھومتی ہے۔ ہمیں بتایا جاتا ہے کہ ناشتہ دن کا سب سے اہم کھانا ہے، ہمیں کام کے دوران لنچ بریک دیا جاتا ہے، اور پھر ہماری سماجی اور خاندانی زندگی شام کے کھانے کے گرد
گھومتی ہے لیکن کیا یہ کھانے کا سب سے صحت بخش طریقہ ہے؟ اس بات پر غور کرنے سے پہلے کہ ہمیں کتنی بار کھانا چاہیے آئیے ہم یہ جانتے ہیں کہ سائنسدان اس کے بارے میں کیا کہتے ہیں۔ وہ ہم سے اس بات پر غور کرنے کی تاکید کرتے ہیں کہ ہمیں کب نہیں کھانا چاہیے۔ اگرچہ آپ آٹھ گھنٹے کے وقفے سے کھانے کے عادی ہیں لیکن وقفے وقفے سے روزہ رکھنا یا بھوکے رہنا پر تحقیق کی جا رہی ہے۔ کیلیفورنیا میں سالک انسٹی ٹیوٹ فار بائیولوجیکل سٹڈیز کی کلینیکل ریسرچر اور ’کب کھائیں‘ کے عنوان سے سنہ 2019 میں ایک مقالے کی مصنفہ ایملی مانوگین کہتی ہیں کہ اپنے جسم کو دن میں کم از کم 12 گھنٹے کھانے کے بغیر رہنے دینے سے ہمارے نظام انہضام کو آرام ملتا ہے۔ یونیورسٹی آف وسکانسن کے سکول آف میڈیسن اینڈ پبلک ہیلتھ کی ایک ایسوسی ایٹ پروفیسر روزلین اینڈرسن نے کیلوری کی پابندی کے فوائد کا مطالعہ کیا ہے۔ وہ کہتی ہیں کہ ’روزانہ کچھ گھنٹے کا روزہ رکھنے سے ان میں سے کچھ فوائد حاصل ہو سکتے ہیں کیونکہ روزہ جسم کو ایک مختلف حالت میں ڈال دیتا ہے، جہاں یہ نقصان کی تلافی اور نگرانی کے لیے زیادہ تیار ہوتا ہے اور مس فولڈڈ پروٹین کو صاف کرتا ہے۔‘ مس فولڈڈ پروٹین عام پروٹینوں کے ناقص ورژن ہیں، جو کہ مالیکیولز ہیں اور یہ جسم میں بہت زیادہ اہم کام انجام دیتے ہیں۔ مس فولڈڈ پروٹین کا تعلق کئی بیماریوں سے ہے۔ اینڈرسن کا کہنا ہے کہ وقفے وقفے سے روزہ رکھنا ہمارے جسموں کے ارتقاء کے مطابق ہے۔ وہ کہتی ہیں کہ اس سے جسم کو ایک وقفہ ملتا ہے اس لیے وہ خوراک کو ذخیرہ کرنے اور توانائی حاصل کرنے کے قابل ہوتا ہے جہاں اس کی ضرورت ہوتی ہے، اور ہمارے جسم کے ذخیروں سے توانائی خارج کرنے کے طریقہ کار کو متحرک کرتا ہے۔ اٹلی کی پاڈووا یونیورسٹی میں ورزش اور کھیل کے سائنس کے پروفیسر انتونیو پاولی کہتے ہیں کہ روزہ رکھنے سے ہمارے گلیسیمک ردعمل کو بھی بہتر بنایا جا سکتا ہے۔ اس میں کھانے کے بعد ہمارے خون میں گلوکوز کی مقدار بڑھ جاتی ہے۔ وہ کہتے ہیں کہ خون میں گلوکوز کی مقدار کم ہونے سے آپ کو جسم میں چربی کم ذخیرہ کرنے کی اجازت ملتی ہے۔ پاؤلی کا کہنا ہے کہ 'اعداد و شمار سے پتہ چلتا ہے کہ رات کا کھانا جلدی کھانے اور بھوکے رہنے کا وقت بڑھانے سے جسم پر بہتر گلیسیمک کنٹرول جیسے کچھ مثبت اثرات ہوتے ہیں۔' پاؤلی نے مزید کہا کہ گلائی کیشن نامی ایک عمل کی وجہ سے تمام خلیوں کے لیے بہتر ہے کہ ان میں شکر کی سطح کم ہو۔ یہ وہ جگہ ہے جہاں گلوکوز پروٹینز سے جڑتا ہے اور مرکب بناتا ہے جسے 'ایڈوانسڈ گلائسیشن اینڈ پروڈکٹس' کہا جاتا ہے، جو جسم میں سوزش کا باعث بنتا ہے اور اس کی وجہ سے ذیابیطس اور دل کی بیماری کا خطرہ بڑھاتا ہے۔ لیکن اگر وقفے وقفے سے روزہ رکھنا یا بھوکا رہنا ایک صحت بخش طریقہ ہے تو سوال یہ پیدا ہوتا ہے کہ کتنی بار کھانے کی گنجائش نکلتی ہے؟ کچھ ماہرین کا کہنا ہے کہ دن میں ایک کھانا کھانا بہتر ہے۔ ایسا خیال رکھنے والوں میں نیویارک میں کارنیل یونیورسٹی کے کالج آف ہیومن ایکولوجی کے پروفیسر ڈیوڈ لیوِٹسکی شامل ہیں اور وہ خود اس پر عمل پیرا ہیں۔ وہ کہتے ہیں: ’اس بارے میں بہت سے اعداد و شمار موجود ہیں جو یہ ظاہر کرتے ہیں کہ اگر آپ کے سامنے کھانا ہو یا کھانے کی تصویریں ہوں، تو آپ کے کھانے کا امکان زیادہ ہے اور جتنا زیادہ کھانا آپ کے سامنے ہو گا آپ اس دن اتنا ہی زیادہ کھائیں گے۔‘ وہ اس کی وجہ بتاتے ہوئے کہتے ہیں کہ جب ہمارے پاس فرج اور سپر مارکیٹس نہیں تھیں تو ہمیں جب کھانا دستیاب ہوتا تو ہم کھاتے تھے۔ خوراک کی تاریخ دان سیرن چارنگٹن-ہولنز کا کہنا ہے کہ تاریخ سے یہ پتا چلتا ہے کہ ہم دن بھر میں صرف ایک بار کھانا کھاتے تھے، یہاں تک کہ قدیم رومی بھی ایسا ہی کرتے تھے اور وہ دوپہر کے وقت ایک کھانا کھاتے تھے۔ کیا دن میں محض ایک بار کھانے سے ہمیں بھوک نہیں لگے گی؟ ڈیوڈ لیوٹسکی اس کا جواب دیتے ہوئے کہتے ہیں کہ ’بالکل نہیں‘ کیونکہ بھوک اکثر ایک نفسیاتی احساس ہوتا ہے۔ 'جب گھڑی رات کے 12 بجاتی ہے تو ہمیں کھانے کا احساس ہو سکتا ہے، یا آپ کو صبح کا ناشتہ کرنا چاہیے جیسی شرط ٹھیک نہیں۔ اعدادوشمار سے پتہ چلتا ہے کہ اگر آپ ناشتہ نہیں کرتے ہیں، تو اس دن آپ مجموعی طور پر کم کیلوریز کھاتے ہیں۔'وہ کہتے ہیں کہ ’ہماری فزیالوجی دعوت اڑانے اور بھوکے رہنے کے لیے بنائی گئی ہے۔‘ تاہم وہ ذیابیطس کے شکار لوگوں کے لیے اس طریقہ کار کی پیروی کرنے کی سفارش نہیں کرتے۔ لیکن مانوگين دن میں ایک کھانے پر قائم رہنے کی سفارش نہیں کرتیں کیونکہ ہمارے نہ کھانے کی صورت میں یہ خون میں گلوکوز کی سطح کو بڑھا سکتا ہے۔ اسے ہم فاسٹنگ گلوکوز کہتے ہیں۔ طویل عرصے تک فاسٹنگ گلوکوز کی سطح زیادہ ہونے سے ٹائپ 2 ذیابیطس ہونے کا خطرہ پیدا ہو جاتا ہے۔ مانوگین کا کہنا ہے کہ خون میں گلوکوز کی سطح کو کم رکھنے کے لیے دن میں ایک بار سے زیادہ باقاعدگی سے کھانے کی ضرورت ہوتی ہے، کیونکہ یہ جسم کو یہ سوچنے سے روکتا ہے کہ وہ بھوک سے مر رہا ہے اور جب آپ اس کے جواب میں کھاتے ہیں تو زیادہ گلوکوز خارج ہوتا ہے
روزہ کھانے کا وقت صحت گلوکوز ناشتہ
پاکستان تازہ ترین خبریں, پاکستان عنوانات
Similar News:آپ اس سے ملتی جلتی خبریں بھی پڑھ سکتے ہیں جو ہم نے دوسرے خبروں کے ذرائع سے جمع کی ہیں۔
شام 5 بجے کے بعد کھانا کونسی سنگین بیماری کا خطرہ بڑھا سکتا ہےتحقیق میں 50 سے 75 سال کی عمر کے 26 شرکا کو شامل کیا گیا
مزید پڑھ »
وہ اسلامی ملک جس کی ایئرلائن دنیا کا بہترین کھانا فراہم کرتی ہے، جانیےدنیا کی بہترین ایئر لائنز کی درجہ بندی کی گئی ہے جس میں پہلا نمبر ایک اسلامی ملک کی ایئر لائنز نے حاصل کی ہے
مزید پڑھ »
78 سالہ خاتون کو کورئیر سروس کے ذریعہ سائبر فراڈ کا شکارایک 78 سالہ خاتون کو کورئیر سروس کے ذریعہ کھانا بھیجنے کے بعد سائبر فراڈ کا شکار ہوگیا۔
مزید پڑھ »
کھانا ملنے میں تاخیر، دلہے نے دلہن کو چھوڑ کر دوسری لڑکی سے شادی کرلیغیر معمولی واقعہ یہ ہوا کہ دلہا نے اسی رات اپنے خاندان کی لڑکی سے شادی کرلی
مزید پڑھ »
وسطی ایشائی ممالک کیلئے پاکستان سے تجارتی راہداری اہم ترین تقاضا ہے، وزیرنجکاریغیر ملکی سرمایہ کاری بڑھانے کے لیے پاکستان بہتر سے بہتر روڈ انفرا اسٹرکچر کا خواہاں ہے، عبدالعلیم خان
مزید پڑھ »
عمران خان خداکا واسطہ امن کا راگ چھوڑدیں، ہم اسلحہ لیکر نکلیں گےتو دکھائیں گےبھاگتاکون ہے: علی امیناگلی دفعہ ہم پرامن والی بات نہیں کریں گے،دکھائیں گےکس میں کتنا دم ہے،کس میں کتنی جوان مردی ہے، وزیراعلیٰ خیبرپختونخوا
مزید پڑھ »