عمران خان کے وکیل فیصل چوہدری نے اڈیالہ جیل کے باہر میڈیا سے گفتگو کرتے ہوئے کہا ہے کہ 9 مئی کا ماسٹر مائنڈ کون ہے اس کی جانکاری عمران خان کے پاس ہے۔ انہوں نے مزید کہا کہ عدالتی ٹرائل میں ایسی چیزیں ہو رہی ہیں کہ گواہ اور ملزمان کو سمجھ نہیں آرہی کیا ہو رہا ہے، یہ قطعی طور پر فیئرٹرائل کے ذمرے میں نہیں آتا۔
پی ٹی آئی کے بانی اور سابق وزیراعظم عمران خان کے وکیل فیصل چوہدری نے کہا ہے کہ عمران خان کو معلوم ہے کہ 9 مئی کا ماسٹر مائنڈ کون ہے۔ پی ٹی آئی کے وکیل فیصل چوہدری نے اڈیالہ جیل کے باہر میڈیا سے گفتگو کرتے ہوئے کہا کہ ٹرائل میں ایسی چیزیں ہو رہی ہیں کہ گواہ اور ملزمان کو سمجھ نہیں آرہی کیا ہو رہا ہے، یہ قطعی طور پر فیئرٹرائل کے ذمرے میں نہیں آتا۔ انہوں نے کہا کہ اے ٹی سی کے باہر فائرنگ ہوئی اور ایک شخص جاں بحق ہوا، سیکیورٹی خطرات کے باوجود یہ کیس ملتوی نہیں ہوا، 9 مئی کے ملزم سے برآمد ایک
موبائل فون آج مکمل چارج حالت میں عدالت میں پیش کیا گیا۔ ان کا کہنا تھا کہ اس کیس میں کوئی بھی غیرسرکاری گواہ نہیں ہے، ایک گواہ کہتا ہے بھیس بدل کر زمان پارک میں میز کے نیچے چھپا تھا، دوسرا کہتا ہے بھیس بدل کر چکری میں کور کمیٹی میٹنگ میں چلا گیا ۔ فیصل چوہدری ایڈووکیٹ نے کہا کہ پانی پی ٹی آئی کی جانب سے آج بریت کی درخواست دائر کی گئی ہے، سینیٹر چوہدری اعجاز کے پروڈکشن ارڈر جاری نہ ہونے پر بانی پی ٹی ائی نے مذمت کی ہے، اگر ہاؤس اس کا نوٹس لینے میں ناکام رہتا ہے تو ہم تسلسل سے کہتے آرہے ہیں کہ ملک میں نہ جمہوریت، آئین اور نہ قانون ہے۔ انہوں نے کہا کہ عدالتیں، پولیس، ایف آئی اے کو اپنے کاموں سے ہٹا کر تباہ کیا جا رہا ہے، ایسا محسوس ہوتا ہے کہ ایک ڈکٹیٹر کا حکم ہی ملک میں قانون ہے، قانون اور منتخب نمائندوں کی کوئی وقعت نہیں رہ گئی ہے۔ انہوں نے کہا کہ انصاف کی فراہمی کسی بھی ملکت کو چلانے کے لیے بنیادی تقاضا ہوتا ہے، 26ویں آئینی ترمیم کے بعد عدالت کو زیرنگیں کر لیا گیا ہے اور کورٹ پیکنگ ہو رہی ہے۔ پی ٹی آئی کے وکیل نے کہا کہ جن ججوں نے بانی کو جھوٹے مقدمے میں سزا دی ان کا تقرر اسلام اباد ہائی کورٹ میں کیا جا رہا ہے، ایک جج کے خلاف انکوائری بھی ہے، بانی پی ٹی آئی نے جسٹس قاضی فائز عیسیٰ کو کالی بھیڑ اور پولیٹیکلی بائیسڈ فرد قرار دیا تھا۔ انہوں نے کہا کہ ہم چاہتے ہیں سپریم کورٹ بنیادی شہری حقوق کی حفاظت کرے، سویلین کے ملٹری ٹرائل کی بین الاقوامی اور ملکی قوانین میں کوئی گنجائش نہیں ہے، بانی پی ٹی آئی نے وزارت دفاع کے وکیل کے بیان کو ویلکم کیا ہے۔ ان کا کہنا تھا کہ بانی پی ٹی آئی نے کہا کہ انہیں معلوم ہے کہ 9 مئی کا ماسٹر مائنڈ کون ہے، نو مئی کا ماسٹر مائنڈ وہ ہے جس نے بانی پی ٹی آئی کو اغوا کروایا اور سی سی ٹی وی فوٹیج چرائی ہے۔ انہوں نے کہا کہ 9 مئی فالس فلیگ آپریشن ہے سیاسی طور پر پک اینڈ چوز ہو رہا ہے، ہم مطالبہ کرتے ہیں کہ 26 نومبر اور 9 مئی واقعات کی جوڈیشل کمیشن کے ذریعے آزاد انکوائری کروائی جائے۔ فیصل چوہدری نے کہا کہ حکومت کی جانب سے جوڈیشل کمیشن کی مخالفت کی کوئی وجہ سمجھ نہیں آتی، ما سوائے اس کے کہ وہ خود بھی اس میں شامل ہے ۔ ان کا کہنا تھا کہ پانی پی ٹی آئی نے اسد قیصر اور عمر ایوب کو اپوزیشن جماعتوں سے رابطے کرنے کی ہدایت کی ہے، پانی پی ٹی آئی نے ہدایت کی کہ اپوزیشن جماعتوں سے رابطہ کر کے انہیں مذاکراتی عمل اور ہماری سیاسی پوزیشن سے متعلق اعتماد میں لیا جائے۔ عمران خان کے وکیل کا کہنا تھا کہ پیغام دیا گیا ہے کہ اپوزیشن کے معاملات یا ان کے لیڈروں کو مخاطب نہ کریں، ہمارا مقصد پاکستان میں فری اینڈ فیئر الیکشن، آئین اورجمہوریت کی بحالی ہے۔ ان کا کہنا تھا کہ ہم چاہتے ہیں ملک میں جمہوریت بحال ہو اور قانون کی حکمرانی واپس آئے اور ملک میں معطل بنیادی انسانی حقوق دوبارہ بحال ہوں۔
عمران خان فیصل چوہدری 9 مئی عدلیہ جمہوریت قانون
پاکستان تازہ ترین خبریں, پاکستان عنوانات
Similar News:آپ اس سے ملتی جلتی خبریں بھی پڑھ سکتے ہیں جو ہم نے دوسرے خبروں کے ذرائع سے جمع کی ہیں۔
9 مئی کے ماسٹر مائنڈ عمران خان کو کیفر کردار تک پہنچایا جائے گا، عطا تارڑ9 مئی کو ملک کے دفاع کو کمزور کرنے کی کوشش کی گئی، تمام مجرم جب انجام تک پہنچے توجشن منائیں گے۔وزیر اطلاعات
مزید پڑھ »
لاہور ہائیکورٹ؛ پی پی 51 سیالکوٹ سے کامیاب ن لیگی امیدوار کے خلاف درخواست خارجدرخواست گزار کے پاس جیت کا کوئی ثبوت موجود نہیں ہے، وکیل ن لیگی امیدوار
مزید پڑھ »
جنید خان نے بچپن میں ڈسلیکسیا کا شکار ہونے کا انکشاف کیاعامر خان کے بیٹے جنید خان نے بالی ووڈ کی فلم مہاراج میں ڈیبیو کیا ہے اور اب انہوں نے بچپن میں ڈسلیکسیا کا شکار ہونے کا انکشاف کیا ہے۔
مزید پڑھ »
مذاکرات کا عمل کون رہی کا روپ اختیار کر چکا ہے؟حکومت اور پی ٹی آئی کے درمیان مذاکرات کا عمل کون رہی کا روپ اختیار کر چکا ہے اور تیسری فازی غیر یقینی ہو گئی ہے۔
مزید پڑھ »
عمران خان کا کہنا تھا پی ٹی آئی کا وقت آچکا ہے اور کوئی طاقت اس کو روک نہیں سکتی: وکیل فیصل چوہدریعمران خان کے وکیل فیصل چوہدری کا کہنا ہے کہ عمران خان نے بتایا کہ انہیں ڈیل کی پیشکش ہوئی تھی . انہوں نے کہا کہ توشہ خانہ کا کیس جھوٹے کیسز کی سیریز میں سے ایک ہے اور پی ٹی آئی کے خلاف پہلے چار فیصلوں جیسا فیصلہ ہی ہوگا. انہوں نے بتایا کہ عمران خان نے سابق وزیر اعلیٰ گلگت بلتستان خالد خورشید کی سزا کی مذمت کرتے ہوئے کہا کہ پی ٹی آئی کا وقت آچکا ہے اور کوئی طاقت اس کو روک نہیں سکتی.
مزید پڑھ »
چین نے تائیوان کے آس پاس 'جنگ پٹرول' ادا کیاتائیوان کے صدر لی چنگ ٹے کے بیجنگ کے ساتھ بات چیت کے خواہش کا رد کرکے چینی فوج نے مئی کے آس پاس پہلا 'جنگ پٹرول' ادا کیا ہے۔
مزید پڑھ »